't Spreekt vantzelfs dat 't novemberzunne-je je niet wreed lange kan uitzitten. De 6e, H. Leonard, is 't al ferm verkoud. De H. Leonard doet mij altijd piekeren over nen andere Leonard, die verre van heilig is en vele jaren lang mijne dikke vriend  was. Tgonne nu al een heel einde niet meer helegans 't geval is, d.w.z. Leonard

is wel nog altijd dikke maar uze vriendschap is fottu. Jammere! Nu, 't leven is altemets bijzonder rare en 't verloopt niet altend gelijk of dat 't ne mens geerne zou hên. 

De 6e is eveneens de feestdag van de H. Winnok, die zijn naam weggaf aan Sint-Winnoksbergen. Myriame, uit Brusselse, die heur laatste jaar doet in de germaanse filologie, wordt, langs Frans-Vlaanderen omme, opgeleid tot 't flammegantismus. Tegen de avond afzakkende van Winnoksbergen, stopte ze nog een keer, in een vlugte, op de Katsberg, waar dat er beste paterskaas te kope is. Myriame gaat naar 't winkeltje en vraagt: "Avez-vous du fromage, s'il vous plait?" Waarop dat de Fransman achter den toog antwoordt:"Wukken moet 't zijn: vetten van 50 pourcent of minder vetten van 40 pourcent?"

Loading full article...